Kèng-thiàⁿ ê Bo̍k-su kap hiāⁿ-ché, tāi-ke pêng-an,
Ô͘ Bo̍k-su ê hó-ì, hō͘ góa tī-chia kóng-ōe, chin-to-siā, chin-hoaⁿ-hí. Sui-jiân góa chhá ê Tâi-oân bí-hún chin-hó-chia̍h, chóng-sī góa kóng ê Tâi-oân-ōe chin-pháiⁿ-thiaⁿ, chhiáⁿ tāi-ke pau-hâm, to-to chí-kàu.
Taⁿ, góa ài kóng kúi-kù koan-hē Tek-kok an-chóaⁿ chhú-lí le̍k-sú ê chōe-ok, chiū-sī tī Tē-jī-chhù Sè-kài-tāi-chiàn tiong tōa-tó͘-sat Iû-thài-lâng ê sū-kiāⁿ.
Góa sī sio̍k-tī Tāi-chiàn-āu chhut-sì ê sè-tāi, goán-ê lāu-pē lāu-bú bat chò Hitler ê kun-jîn. Hitler chèng-koân só͘ hoān ê tōa-chōe siū Bí-kok, Eng-kok, Hoat-kok kap Ngô͘-kok kong-khai phoe-phòaⁿ. Chit kúi-ê kok-ka ê kun-tūi ū tùi chip-tiong-iâⁿ tháu-pàng koeⁿ tī iâⁿ-lāi iáu-kú oa̍h-teh ê lâng. Tī chéng-cho̍k châu-bia̍t sū-kiaⁿ-toing tāi-iok ū la̍k-pah-bān Iû-thài-lâng sit-lo̍h sìⁿ-miā.
Tāi-chiàn-tiong, Tek-kok ê siâⁿ-chhī o͘ân-choân siū phò-hoāi. Ū kúi-nā pah-bān tô-siám Ngô͘-kok-lâng pò-ho̍k ê Tek-kok lân-bîn chin-ji̍p Se-tek, hia sī Bí-kok, Eng-kok kap Hoat-kok chiàm-léng ê tē-khu.
Chiah-ê chiàn-āu iáu-kú oa̍h-teh-ê Tek-kok-lâng tit-tio̍h Bí-kok ê keng-chè oān-chō͘, chin-chhiūⁿ Marshall Ke-ōe, chin jīn-chin ló͘-le̍k tiông-kiàn kok-ka. In ū chhòng-chō Tek-kok ê keng-chè kî-chek. Chiàn-āu, sûi-sî ū sāⁿ-bān-ê chheng-liân-lâng ài tha̍k tāi-ha̍k, kî-tiong ū chi̍t-bān-nn̄g-chheng lâng ji̍p-ha̍k. Chiah-ê Tek-kok-lâng ài bōe-kì-tit chiàn-cheng ê chhi-chhám, in ài sin-ê seng-oa̍h, in-ài kiat-hun siⁿ-kiáⁿ.
Chóng-sī goán chi̍t-ê sè-tāi ê Tek-kok-lâng tōa-tōa chú-tiuⁿ ài siông-sè tiau-cha Hitler kap goán-ê pē-bú só͘ hoān tōa tô͘-sat Iû-thài-lâng ê tōa-chōe. Tek-kok chèng-hú hong-bīn sīn-tiōng chhu-lí chit-hāng sū, kàu-tī kin-á-ji̍t iáu-koh sûi-sî theh chhiau-chhōe. Goán kian-chhî kàu-kho-su kap hak-hāu ê le̍k-sú khò-thêng tio̍h-ài kà ha̍k-seng tōa-tô͘-sat ê le̍k-sú. Goán siūⁿ, kì-tit chit-kiāⁿ chōe-ok ê le̍k-sú ōe pang-chān goán pī-bián chéng-cho̍k-chú-gī koh-chài hoat-seng. Goán-ê káu-hō sī: Bô koh-chài hoat-seng!
Tùi an-ni, múi chi̍t-ê Tek-kok-lâng tùi ha̍k-hāu kàu-io̍k chai-iáⁿ tô͘-sat Iû-thài-lâng ê tōa-chōe-ok. Goán chi̍t-ê sè-tāi ê Tek-kok-lâng, ū chin-chē lâng lia̍h-chò ka-kī sī Tek-kok-lâng chòe chin-kián-siàu. Thang kóng Tek-kok ê kok-ka ê kiau-ngō͘ thiat-té siū-tio̍h ap-chè, húi-bia̍t.
Chóng-sī lâng chū-jiân ê kám-chêng nā ap-chè chin-kú, ōe koh-chài sán-seng. Hiān-chāi Tek-kok ū siu-iông chin-chē Kīn-tong I-su-lân-kàu ê lân-bîn, chit-sî chiū ū hoat-seng hoán-tùi siu-iông lân-bîn, chi̍t-khoán sin-ê kok-ka-chú-gī hoat-seng.
Chit-kiāⁿ tāi-chì, tùi góa chòe chi̍t-ê Ki-tok-tô͘ ê khòaⁿ-hoat sī an-ni:
Ū-su-iàu chiong chham-ka Tāi-chiàn chi̍t-ê sè-tāi ê chōe-ok hō͘ choân-thé Tek-kok-lâng chai-iáⁿ. Chóng-sī goán ê hong-hoat bô thó-tòng. In-ūi goán kan-ta ōe-hiáu chek-pī goán ê pē-bú hit-sè-tāi ê lâng, khiok bô lí-kái choan-chè ke̍k-koân ê pún-sit. Goán bô hō͘ in ki-hōe thang kóng sim-lāi ê khó͘-būn, koh in iā chin siūⁿ ài kín-kín pàng bōe-kì-tit chit-kiāⁿ chhám-sū.
Lēng-gōa chi̍t-hong-bīn, Tek-kok kau-hōe iā bô ho͘ -tiàu, iā-bô thê-kióng chham-chiàn tōa-tô͘-sat ê koh-jîn hóe-kái kap sià-bián ê ki-hōe. Tùi-an-ni in tiong-kan chin-chē-lâng ū cheng-sîn-pīⁿ ê chèng-chōng. Kiat-kó, chō-sêng goán chi̍t-ê sè-tāi ê lâng kap chòe Hitler kun-jîn ê pē-bú tiong-kan chin chhim ê chó͘-keh.
Kiat-bóe lâi kóng, lâng tio̍h kian-chhî le̍k-sú ê si̍t-chāi-sèng, chóng-sī iā-tio̍h lí-kái jîn-sèng, kín-sīn phoe-phòaⁿ. Ki-tôk-tô͘ tio̍h ōe-kì-ti̍t tāi-ke long sī khiā-tī Siōng-tè ê sím-phoàn kap un-tián ê bīn-chêng.
A-mén !
我的德國故事
Beetina牧師
翻譯：蔡坤守老師、蔡哲彥弟兄
敬愛的牧師與弟兄姊妹大家平安：
非常感謝胡牧師的好意，讓我在這裡說幾句話，我感到非常的高興。雖然我炒的台灣米粉非常好吃，但是我講的台語就不太好聽了，請大家多多包涵，多多指教。
今天我要講一些關於德國如何處理歷史的罪惡，就是第二次世界大戰期間屠殺猶太人的事件。
我是屬於大戰後出生的世代，我的爸爸、媽媽曾經在希特勒的政權下當過軍人。希特勒政權所犯的大罪已經受到美國、英國、法國與俄國的公開審判，這幾個國家的軍隊曾經從集中營解救關在營內尚存活著的人。在種族大屠殺事件中大約有六百萬名猶太人失去了生命。
在大戰中，德國的都市完全被破壞。戰後有好幾百萬名逃避俄國報復的德國難民進入西德，那是美國、英國與法國占領的地區。這些戰後還存活的德國人得到美國的經濟援助（例如馬歇爾計畫），非常認真努力重建國家，他們創造了德國的經濟奇蹟。戰後馬上有三萬位青年人想要讀大學，其中有一萬兩千人入學。這些德國人想要忘記戰爭的淒慘，他們需要新的生活，他們需要結婚生子。
但是我這個世代的德國人強烈主張，得詳細調查希特勒與我們父母所犯屠殺猶太人的大罪，德國政府方面非常慎重地處理這件事，到今天依然隨時在調查。我們堅持教科書與學校的歷史課程，需要教導學生關於大屠殺的歷史，我們認為記得這件罪惡的歷史能幫助我們避免種族主義再次發生。我們的口號是：「不要再發生！」
因此，每一個德國人從學校教育知道屠殺猶太人的這件大罪惡，我這個世代的德國人有很多以自己生為德國人為羞恥的事。可說德國國家的驕傲徹底地受到壓迫、摧毀。
但是人民自然的感情若是壓制太久，就可能會再重新發生。最近德國收容了許多近東伊斯蘭教的難民，這時候就有反對收容難民的一種新的國家主義產生。
身為一個基督徒，我對這些事情的看法是這樣：應該把參加大戰的這個世代的罪惡讓全體德國人知道，但是我們的方法並不太恰當；因為我們單單責備我們父母那一代的人，卻沒有去理解專制極權的本質。我們並沒有讓他們有機會說出心中的苦悶，他們也很想要快快遺忘這件慘事。
另外，德國教會並沒有呼召，也沒有提供參與大屠殺的個人悔改與得赦免的機會，因此他們中間有很多人有精神病的症狀，結果造成了我們這世代的人，與當希特勒軍人的那一世代中間有很深的隔閡。
最後，人們需要堅持歷史的真實性，也須要了解人性，謹慎批判。基督徒得記住，我們是站在上帝的審判與恩典的面前。阿們！
編按：本文乃德籍的Beetina牧師∕博士（陳主顯牧師夫人）於6月24日本會的成人主日學以台語所分享之演講詞。