聖經：馬太福音十章26-31節
壹、引題
感謝主對咱眾人的呼召，以及咱可參與於上帝為咱安排的聖工。
耶穌的呼召：馬太福音第十章，耶穌呼召十二個學生。耶穌要伊做什麼？
伊受揀選，續接耶穌應允：互伊權柄會制壓邪神來趕逐伊，並醫治逐樣的症頭、逐樣的病痛。
差伊續吩咐伊：
1、工作的範圍：外邦的路（包括北推羅、西頓；東邊低加坡里）莫得行，撒瑪利亞人的城（混合種族、另外敬拜地點與禮儀），莫得入；卡好著去就近以色列家失落的羊（參羅一16代先猶太，後來希利尼）。主的步驟。
2、工作的性質：行的時隨時傳：天國近啦；醫好有病的，互死的復活，互癩痾的清氣，趕鬼。
3、工作的態度及裝備：恁白白得著，著白白互人；腰肚內攏不通有金銀銅，若有人願意接納，平安就到於伊，若未勘得，就互恁的平安歸於恁。（參林前九14傳福音的對福音來度活、提前五17-18做工的勘得受他的工錢）
信仰反省：
這些攏是從來無的經驗，是新的體驗。耶穌互伊權柄能力、指明工作範圍及性質、應該有的工作態度及責任的分擔。
按呢就不驚嗎？其實逐人攏需要時間來磨練及學習。
貳、本論
（一）福音的爭戰
受呼召不是欲、抑是可過幸福快樂的日子，是欲傳福音，面對挑戰及危險。
預告將來的窘逐：耶穌明確講明續接落來會遭遇的情景：學生欲親像羊於豺狼的中間。
著準備：
1、著智識親像蛇，純良親像鴿仔。精明加上純樸來面對傳福音的對象。
2、著持防人，因為主及福音的原因被交互公會、受鞭拍、被拖到總督君
王的面前、互眾人怨恨。（教會及猶太會堂間猶未分開，是來自猶太人
本身的迫害）
3、對伊干證；「莫得掛慮欲怎樣講，抑是講什麼話。因為所著講的，欲於
彼時賞賜恁，因為不是恁家己講，是恁的父的神踮於恁teh講。」受窘
逐迫害、被審判的時，反轉成做干證及說明上好的機會。
不必沙盤推演，不必事先想可用的話術。
4、攻擊的來源：厝內的人及眾人
包括厝內的人於城裡反對、窘逐恁，著走到彼城。窘逐是有限度的「獨
獨吞忍到路尾的他欲得著救」無積極來對抗，是忍耐閣再忍耐。
信仰反省
耶穌將所有可能的遭遇攏給伊講明。通常講到此，可能無有偌多人歡喜參與這款的服事行列。
近來常聽見：「不驚燒才通入廚房。」
（二）莫得驚伊
會議的經驗：先講正面的，然後才講負面的，參與會議的人的反應大概會是否定的。例子：這真好，但是喔！…乾脆不要好了。
反倒轉，先講負面的，續接講它的可能性及積極鼓勵的話，大概參會的人會受激勵，就會向可能性發展來思考。例子：雖然不好，但是喔！安呢好啦。
耶穌前半段講的話，好親像互人真餒志，方法用不對去啦！
但是耶穌續接按呢講：「所以，莫得驚伊」
耶！有不同的鼓勵及機會喔？有什麼新的激勵？
- 有關上帝國福音：「因為無有蓋密後來無露出的事…」此句話的意思是：
A、暫時隱藏的事，不管是窘逐、陷害、無理的，或是學生的良善、
理氣、熱心，終其尾有一日於上帝的面前攏欲顯明出來。
B、鼓勵那些學生，我於暗中私下給恁講的，恁著於眾人面前講出來，
恁耳孔所聽的，著於厝頂傳它。不可暗蓋起來。
2、有關自身的安危：「許個害死身軀、未害死靈魂的，莫得驚伊；獨獨
彼個會滅靈魂及身軀於地獄的，卡著驚。」
反省：驚上帝不驚人（參使徒行傳四19、五29、彼前三14）
人的考慮常常為著身軀的安全，甘願出賣靈魂、犧牲永遠活。
3、有關上帝的安排：上帝看逐人做寶貝。雀鳥仔，價值極小的單位一分
銀，「若不是恁的父有准，一隻亦未磕落地」，「就恁的頭毛，也攏過
算」；恁比許個雀鳥仔猶卡貴氣。
反省：自願欲犧牲，若上帝無容允呢？絕斷無欲犧牲的人，若是上帝欲差
他呢，欲怎樣？
參、結論
基督徒常高舉「為主的名」來做多多事，請咱思考此段經文。
除了咱仔細觀察牧者、服事者的工作及生活，鼓勵認識主耶穌的吩咐。
另外一方面，就是群眾、上帝子民的回應，小心鼓勵家己，不可…
1、不可成做無接待、接納的。
2、不可成做迫害、怨恨的。
3、不可成做欲互人驚、欲成傷害的。